Марий Эл Республикым Вуйлатыше А.А.Евстифеевлан
Марий Эл Республик Кугыжаныш Погынын Председательже А.В.Смирновлан
Пагалыме Александр Александрович!
Пагалыме Анатолий Васильевич!
Тендам да Марий Эл Республикыште илыше чыла еҥым чапле дате дене – тудым ыштымылан 100 ий темме кече дене саламлем.
Республикын курымаш лӱмгечыже – изи Шочмо кундемым йӧратымаште тудым умбакыже пеледыктымашке кугу надырым пышташ тыршымаште тушто илыше чыла еҥым иктыш ушен шогышо событий. Ӧрыктарыше марий мланде шкенжын сын-кунжо да ойыртемалтше илышыже, сылне вер-шӧржӧ, историй ден культур памятник-влакын шуко тӱрлӧ улмышт дене кумылым савыра. Кундемын кугу рекреационный поянлыкше уло. Тудыжо шуэн вашлиялтше пӱртӱс объект-влак, национально-этнический сылне вер-шєр негызеш пойдаралтеш. Чыла тидыже пўтынь эл гыч уна-влакым тышке толаш кумылаҥда.
Кызыт Марий Эл Республикыште тӱҥ социально-экономический показатель-влак сай велышкыла вашталтын толыт. Промышленностьын регионлан пеш кӱлешанлан шотлалтше отрасльлаштыже – металлообработкышто да машиностроенийыште производственный куатым уэмден толмо да инновацийым шыҥдарыме пашалан кугу тӱткыш ойыралтеш, агро- ден чодыра промышленный комплексласе предприятий-влак сайын пашам ыштат.
Россий Федерацийын субъектыштыже кугыжаныш кучем орган-влак еҥ-влакын илышыштым, инвестиционный пашам саемдышашлан да предпринимательствылан полшен шогышашлан шуко ыштат.
Республик россий государственностьым пеҥгыдемдаш, общенациональный задаче-влакым шукташ ончыкыжат полшен шогаш тӱҥалеш манын ӱшанем.
Чыла порым, палемдыме чыла планым да шонымашым Шочмо элын пиалже лӱмеш шуктен толаш тыланем.
В.И.МАТВИЕНКО
