15-16 майыште Москошто, ВДНХ-ште, россий фермер-влакын XXIX съездышт лийын. Марий Эл гыч тушко 5 еҥан делегаций миен. Делегацийым Марий Эл Республикын ялозанлык да продовольствий министрже А.Гречихо вуйлатен.
Съездыш элнан 70 регионжо гыч 700 утла еҥ погынен. Кугыжаныш кучемын федерал да регионысо органым вуйлатыше-влак, мер организацийын да шанче сообществын представительышт, кооператив объединений да кресаньык (фермер) озанлыклан вуйын шогышо-шамыч ялозанлык кумдыкым да экономикым вияҥдыме, агропромышленный комплексын парышыжым кугемдыме йӧн-влак, кугыжаныш средствам пайдалын кучылтмо нерген каҥашеныт. Тыгак съездыште Российысе кресаньык (фермер) озанлык ден ялозанлык кооператив-влакын ассоциацийыштын ӱмашсе пашажым иктешленыт да тудын тенийсе корныжым палемденыт.
Г.Кожевникова.
