Спорт туризм дене Российын чемпионатыштыже Марий Эл гыч команде икымше верым налын.
Таҥасымаш Белгородышто эртен. Тушко элнан 19 регионжо гыч спортсмен-влак чумыргеныт. Организатор-влак тӱрлӧ нелытан куд дистанцийым ямдыленыт. Тушто участник-шамычлан технически шотыштат тӱткӧ лийман, кӱкшытымат сеҥыман улмаш.
Марий Эл гыч опытан да тале ӱдыр-рвезе-влак миеныт. Тыге команде дене Российын чемпионжо лийыныт.
Личный зачётышто ӱдырамаш-влак коклаште Ксения Мубаракшина ден Чуваш Республик гыч Анна Карпова икымше верым налыныт. Пӧръеҥ-шамыч коклаште регионна гыч Рустам Урдяков нылымше, а Михаил Тарасов визымше лийыныт.
Тыгак эше «связке» тўшкаш пурышо таҥасымаште К.Мубаракшина ден Е.Николаева бронзо призёр лийыныт гын, Р.Урдяков ден М.Тарасов – ший призёр. Тӱшка стартыше ӱдырамаш, тыгак пӧръеҥ-влакат ӱшанлын икымше верыш лектыныт.
Марий Элын командыжым шокшын саламлена.
Е.Эшкинина.