Марий Эл Республикын Росгвардийжын пашаеҥже-влак донор радамыш ушненыт.
— Кеҥеж каныш жапыште вӱрым пуышо-влакын чотышт шагалемме нерген ме палена. Адакшым вӱрым налме республиканский рӱдерат мемнан деке полшаш йодмаш дене лектын. Сандене пашаеҥна-влак тиде поро пашашке уло кумылын ушненыт, — палемден Росгвардийын медицинский обеспечений группыжын начальникше Алексей Кропинов.
— ОМОН, вневедомственный охране пашаеҥ-влак гай физически таза еҥ-влакын вӱрым пуымыштлан ме моткоч куанена. Вет нунын тазалыкышт, вӱр качествышт шотышто нимогай кокытеланымаш уке, — тауштышыла, палемден республиканский рӱдерын общественность дене кыл шотышто специалистше Лилия Хабибуллина.
Л.Камалетдинова.
