МАЙАТУЛ

Родо-тукым увер

11 йылме дене йоҥга

«Бременский музыкант-влакын» «Ничего на свете лучше нету» мурыштым Российын 11 калык йылмыж дене йоҥгалтарыме.

«Вместе на своём» проект кышкарыште «шочшо» клипыш кумдан палыме 18 мурызо ушнен. Удмурт йылме дене Бурановысо ковай-влак мурат, татарла – «Голос» проектын финалисткыже Эльмира Калимуллина да молат.

Лекше пашам YouTube-ышто ончаш лиеш.

Коми

Киношто – коми пӧръеҥ

Коми-Пермкяцкий калыкле драм театрын актёржо Анатолий Попов «Тӱнямбал чемпион» киношто войзалтын.

Тушто шагал огыл кумдан палыме актёр модын. Коми пӧръеҥлан докторын рольжым ӱшаненыт. Кино – 1978 ийыште Филиппиныште эртаралтше ик эн виян шахмат таҥасымаш  нерген. Ты паша кугу экраныш 30 декабрьыште лектеш.

Мордва

Кинде пайрем

Башкортостан Республикысе мордва калыкле тӱвыра рӱдер кинде фестивальым эртарен.

Мероприятий Стерлитамак олан 255 ияш лӱмгечыжлан пӧлеклалтын. Тушто тӱрлӧ калыкын киндыштым  тамлаш да  кӱэшт ончаш йӧн лийын.

Карел

Эн сай фотосӱрет

 «Кантеле» ансамбльын тӱҥ балетмейстерже Оксана Смирнова Елизавета ӱдыржӧ дене «Ава да йоча-влак калык вургем дене» тӱнямбал фотоконкурсышто сеҥышыш лектыныт.

Таҥасымашке 950 паша пурен. Тушеч жюри эн сылнылан 54 фотосӱретым ойырен налын. Нуным 16 октябрьыште Москвашке ончер почмашке ӱжыныт.

Югра

Кок корно

18 сентябрьыште «Торум Маа» кава йымалсе этнографий музей самырык-влаклан «Сонарзе корнын туштылаже» ден «Виян еҥ-влакын корнышт» квестым эртарен. 

Модмашыш ушнышо-влак сонарзе нерген кумдан пален налыныт. Уш-акылыштым, писылыкыштым да вийыштым тергеныт.

 

 О.МОШКИНА

Опубликовать в Одноклассники

Добавить комментарий