III степенян Кутузов орденан Киевско-Житомирский 14-ше ракетный дивизийын пагалыме военнослужащийже ден ветеранже-влак!
Марий Эл Республикын Правительствыжын лӱмжо да шке лӱмем дене тендам Стратегический назначениян ракетный войскан кечыж дене саламлем!
Ракетный войска ынде пел курым утла жап Россий армийын кугешнымашыжлан, икшырымын виянын толшо илышын да национальный лӱдыкшыдымылыкын гарантыштлан шотлалтеш, элын Вооруженный Вийжым боевой ямдылыкыште кучаш йӧным ышта.
Кызыт РВСН-ын военнослужащийже-влак сенымашке шушо фронтовик-влакын чапле традицийыштым умбакыже шуят, науко ден техникын сенымашыштым кучылтыт. Воин-ракетчик-влак кажне кечын шкеныштын эн сай качествыштым — шкем кучен, чытен моштымыштым, шындыме задачым писын да чаткан шуктен кертмыштым ончыктат.
Тиде кечын ме РВСН-ын Марий Эл Республикын территорийыштыже верланыше ик эн сай соединенийжын военнослужащийже-влакым кугешнен чапландарена. Йошкар-Ола ракетный дивизийын моткоч кугу куатан вооруженийже уло, тудо кугыжанышлан да граждан-влаклан лӱдыкшо деч посна илашышт йӧным ыштен шогышо стратегически пеш кӱлешан объектлан шотлалтеш. Кызыт дивизийын вооруженийыштыже цельым пеш туран пытарен кертше «Ярс» эн у комплекс-влак улыт.
Ветеран-влаклан поснак кугу таум ойлем, нуно ракетный войскан военный вий-куатшым ятыр ий годсек ешарен да пенгыдемден толыныт. Самырык-влакым военный патриотизм шӱлышеш шуарен куштымаште чулымын участвоватлымышт дене нуно тачат элын аралалт кертме йӧнжым арален кодымашке кугу надырым пыштат. Нунын тиде пашашт Кугу Сеҥымашлан 75 ий темме идалыкыште поснак шергакан да кӱлешан.
Чыла военнослужащийлан пиалым, пенгыде тазалыкым, илышыште чыла сайым, эреак нӧлталтше кумылым, кеч-кунамат воевой ямдыкыште лияш тыланем!
Марий Эл Республикым Вуйлатыше А.А.Евстифеев
