Марий Элын пӱртӱс поянлык, экологий да йырым-йырысе средам аралыме министерствыже «Памятники природы Республики Марий Эл» сборникым луктын.
«2013-20125 ийлалан йырым-йырысе средам аралымаш, пӱртӱс поянлыкым уэмдымаш да пайдаланымаш» Марий Элын кугыжаныш программыже кышкарыште тиде ышталтын. Тушко кундеман посна аралыме кумдыклаж дене кылдалтше научный шымлымаш, нунын ойыртемышт дене палдарыше илюстраций шуко пурталтын. Вет регион кӱукшытыштӧ аралалтше кажне тыгай кумдыкышто Российысе да Марий Элысе «Йошкар книгалаш» пуртымо, шуэн вашлиялтше кушкыл-влак улмым рашемдыме. Марий Элыште чылаже 41 тыгай пцӱртӱс памятник уло. Тышеч латкандашыже – комплексный, 13 –гидрологический, 7 – ботанический, 2 – зоологический, 1 – геологический.
С.НОСОВА
