УВЕР ЙОГЫН

Пӱртӱс айдеме деч виянрак

 
Йоча да юношеский книга арня кышкарыште Звенигово илем-влак кокласе библиотекыште оҥай мероприятий эртен.
Книгагудо пашаеҥ-влак Звенигово лицейын 1-ше «Б» да 3-шо «А» класслаштыже тунемше ӱдыр-рвезе-шамычым марий йомакын юзо тӱняшкыже «наҥгаеныт». Корнышто йомакче кова Чодыра-кува нерген каласкален да чодырашке уна семын пураш темлен.
Йоча-влак тушто Вувер-кувам вашлийыныт. Тудыжо нунылан туштым туштен, куштымо марий сем почеш юарлен модыктен. Тыгодым ӱдыр-рвезе-шамыч марий йомаклам шарналтеныт, калык усталык нерген шуко у ден оҥайым пален налыныт. А Сайгелде лӱман сонарзе нерген марий легендын мотивше почеш шындыме фильмым ончымо деч вара иктешлымашым ыштеныт: пӱртӱсын вийже айдемын деч кугурак, сандене ме тудын законжым пудыртышаш огынал.
М.ИВАНОВА
Опубликовать в Одноклассники

Добавить комментарий