18 май гыч 5 декабрь марте «МыВместе» тӱнямбал премий верч конкурс эрта. Тудо ныл ужашлан пайлалтын: йодмашым колтымо жап, чырык финал, пеле финал да мучаш.
Волонтёрство да социал теме дене кылдалтше проектын авторжо ден коммерческий огыл организацийын еҥже-влак «НКО ден волонтёр-влак», амалкалче-влак – «Бизнес» аланлаш ушнен кертыт. Журналист да СМИ пашаеҥ-влаклан «Медиа» келшен толеш. Калык кокласе кылым пеҥгыдемдымаште тыршыше-шамычлан «We are together» номинацийыш йодмашым колтыман.
Тидым https://премия.мывместе.рф але https://dobro.ru сайтлаште 5 июль марте ыштыман. Сеҥыше-влакын лӱмышт дене декабрьыште «МыВместе» тӱнямбал форумышто палдарат.
О.МОШКИНА
