Звенигово район Красногорский посёлкысо «Восход» футбол командын «Владимир Путин дене вияш линий» программыш колтымо видеообращенийже «Россия 1» федеральный каналын лентышкыже логалын.
Роликыште рвезе-влак Красногорский посёлкын чот шӱкшемше спортзалже ден «начарын куралме пакча» гай футбол пасужым ончыктеныт. Кок вережат икшыве-влак физкультур да спорт дене заниматлалтыт.
«Владимир Путин дене вияш линий» специальный программе 15 июньышто 12 шагатлан лиеш. Тудым «Икымше канал», «Россия 1» да «Россия 24» канал-влак вияш эфирыште ончыктат.
М.ИВАНОВА.
