УВЕР ЙОГЫН

Профессиональный пайремда  дене!

Россий ФСБ-н Марий Эл Республикысе управленийжын  пагалыме пашаеҥже-влак!

Лӱдыкшыдымылык орган-влакын  шерге ветеранышт!

Марий Эл Республикын Правительствыже лӱм да шке лӱмем дене  тендам профессиональный пайрем дене саламлем!

Кугыжаныш лӱдыкшыдымылык орган-влакын  пашаеҥышт ончылно элын интересшым  аралыме,  суверенитетшым да территориальный тичмашлыкшым  арален кодымо, терроризм ваштареш  пеҥгыдын шогымо, преступность да наркоманий  ваштареш  кучедалме  шотышто пеш кӱлешан задаче-влак  шындалтыныт.

Тений  уло тӱня  коронавирусан у инфекцийын  шарлымыж ваштареш  кучедалеш, тудо еҥ-влакын илышыштлан да тазалыкыштлан веле огыл, тыгак кызытсе правопорядкылан, политический системын икшырымын пашам ыштымыжлан кугу лӱдыкшым ышта. Российыште  информационный  лӱдыкшыдымылык  начаремын кертме лӱдыкшӧ лектын, молан манаш гын, калык коклаште  паникым тарватен, кучемын  авторитетшым луштарен кертше  шоя информацийым шарыме  случай-влакым пален налме.

Лӱдыкшыдымылык орган-влакын  пашаеҥыштын  профессионализмышт  ден мо кӱлешым писын ыштен моштымышт  киберлӱдыкшӧ шотан осал  паша ваштареш  чоткыдын шогаш,  эпидемиологический  обстановкым  тӧрлымӧ, элын экономикыжым поддержатлыме, граждан ден озанлык пашам шуктышо субъект-влакын интересыштым  аралыме  шотышто  радамлын шуктен толмо пашам  умбакыже шуяш йӧным пуэныт.

Службылан ӱшанле улмыланда  тыланда тау!

Лӱдыкшыдымылык орган-влакын ветераныштлан поснак  кугу тау, нуно служебный порысын принципше-влаклан  ӱшанле улмыштым ик гана веле огыл ӱшандарен ончыктеныт, шинчымашыштым да опытыштым  самырык специалист-влаклан  пуэн кертыныт.

Тиде пайрем кечын чыла еҥлан  тыныслыкым, пиалым, пеҥгыде тазалыкым да илышыште чыла сайым тыланем!

Марий Эл Республикым Вуйлатыше А.А.Евстифеев 

 

 

Опубликовать в Одноклассники

Добавить комментарий