УВЕР ЙОГЫН

Провой корным олмыктат

Звенигово районысо илемлаште корным олмыкташ 18 млн. 800 тӱжем теҥгем кучылташ палемдыме. Суммын утларак ужашыже – 12 млн. 100 тӱжем утла теҥге – республикын бюджетше гыч ойыралтеш, 6 млн. 650 тӱжем наре теҥге – верысе бюджет гыч.
Тиде окса дене, мутлан, Звенигово олаште Ленин уремысе 7-ше гыч 9-ше да 45-ше гыч 47-ше пӧртла кокласе, Красногорский посёлкышто Урицкий изуремысе, Полевой уремыш пурымо гыч Солнечный уремысе корныш, Центральный уремысе тротуарыш, Суслоҥгер посёлкышто Сеҥымаш уремысе, Олыктӱр ялыште Олыктӱр уремысе, Кокшайск селаште Кологривов корнывожысо 31-ше гыч Луговой уремысе 11-ше пӧртла кокласе, Какшамарий ялыште Октябрьский уремысе, Чакмарий села — Пӱнчылӱвал ял кокласе, Нурдамучаш ялыште Нурдамучаш уремысе, Шолэҥер посёлкышто Студенческий уремысе корныш асфальтым кумдыкеш шарат. Тылеч посна районысо шуко илемыште лакылан корным, кудывечым олмыктат.
Чыла пашам август тӱҥалтыш марте пытараш палемдыме.

М.ИВАНОВА

Опубликовать в Одноклассники

Добавить комментарий