27 июльышто Россий Федераций Президентын Юл кундем федеральный округысо полномочный представительже Игорь Комаров Марий Эл Республикыш паша дене толын коштын.
Тудо Волжск олаште посна предмет-влакым келгын тунемме 5-ше №-ан школышко миен, тиде образовательный учрежденийын кокымшо пусковой комплексшым чоҥымо паша дене палыме лийын.
РФ Президентын полпредше тыгак тӱрлӧ технический кагазым, картоным, товарный целлюлозым, древесно-волокнистый плитам лукташ келыштаралтше Марий целлюлоз-кагаз комбинатыш миен коштын. Кызыт комбинат вўд ресурсым пайдалын кучылтшашлан да вўд объектлам амыртымым шагалемдышашлан йоктарен колтымо вӱдым эрыктыше сооруженийлам чоҥымо шумлык кугу инвестиционный проектым илышыш шыҥдара. Ты проектым 2021 ийыште илышыш пурташ палемдыме. Тудын чумыр акше – 1 миллиардат 600 миллион теҥге, увертара Марий Эл вуйлатышын организаций да аналитике виктемже.
П.Шакиров
