Мый шукерте огыл латкуд ийым теменам. Тидын шотыштак рашемдынем, водительский правам ынде налын кертам мо?
А.Мотовилов.
Оршанке район.
Йодышлан Медведево районысо прокурор Сергей Гусаченко вашештен:
— Ынде кертыда. «Корно движенийын лӱдыкшыдымылыкшӧ нерген» (10.12.1995) федеральный законын 26-шо статьяж дене келшышын, «М» категориан транспорт средствым ( мопед да куштылго квадроцикл), тыгак «А1» подкатегорияным (125 кубический сантиметран внутренний сгораний двигателян мотоцикл да эн кугу куатше 11 киловатым эртышаш огыл) латкуд ийым темыше ийготыш шудымо граждан-влак виктарен кертыт. Но нуно ончыч палемдыме радам дене тыгай транспортым виктараш профессионально тунемшаш да квалификаций экзаменым кучышаш улыт. Тыгак транспортым виктараш тазалык шотышто нимогай чарак лийшаш огыл.
С.НОСОВА
