«Пошкудын кечыже» всероссийский акций дене келшышын, кодшо кечылаште У Торъял районысо Кузнеч тӱвыра пӧртыштӧ «Пошкудо-влак, кузе иледа?» мутланымаш кас эртен.
Тушко «Келшымаш» да «Весела кова-влак» фольклор ансамбль-влак ушненыт. Уремыште, «Пырля веселан модына!» конкурс да модмаш программе дене келшышын, жапыштым оҥайын эртареныт.
А 30 майыште У Торъял районышто «Мир моих увлечений» республикысе конкурсым да «Йӱлам арален, ончыко ончена» этнокультур мероприятий-влак регионысо фестиваль-конкурсым эртараш полшымо шотышто республик кӱкшытан семинар-практикум эртен.
Семинарын участникше-влак Шура, Элембай, Тошто Торъял, Кузнеч тӱвыра пӧртлаште, У Торъял районысо тӱвыра да каныме пӧртыштӧ лийыныт.
Мероприятий Овалже тӱвыра пӧртыштӧ «В стиле этно» ретро-кас дене мучашлалтын.
Л.Камалетдинова.
