Марий Элын Социальный вияҥмаш министерствыжын увертарымыж почеш, регионыштына добровольчествым (волонтёрствым) чапландарыме шот дене «Порылык пазл» увер да рекламе кампаний кумдан эрта.
Тидын дене келшышын, кажне еҥ палемдыме проект-влакын участникше лийын кертеш:
- Йомшо-влакым кычалаш полшышо «Лиза Алерт» отрядын;
- Утарыше-шамычын всероссийский студент корпусыштын;
- Озадыме янлык-влаклан полшышо «Мый эрыкан улам» фондын;
- «Мый «Волонтёр-медик-шамыч» дене пырля вӱрым пуэм» проектын;
- Российын «ЭКА» ужар толкынжын;
- Сеҥымашын волонтёржо-шамыч» проектын;
- Сокыр да соҥгыра йоча-влаклан полшышо «Ушалтмаш» фондын;
- Нелын черланыше йоча-шамычлан полшымо «Илыш корно» проектын;
- Илалше-влакын пӧртыштышт илыше-шамычлан полшымо «Шоҥгылык куандара» фондын;
- Нелын черланыше йоча-влакын кумылыштым шуктышо «Мый денем пырля шонкале» проект.
«Порылык пазл» проектыш ушнышо-влак добровольчествым (волонтёрствым) вияҥдыме мероприятий кышкарыште самырык-шамыч дене эртарыме пашаштым проектын видеоматериалже негызеш организоватлен кертыт.
М.ИВАНОВА
