18 апрельыште Звенигово районышто «Порылык шошо арня» акций тӱҥалеш. Тудо кажне ийын пӱтынь Россий мучко эртаралтеш.
Акций йоча ден кугурак-влаклан вургем ден йолчиемым, тыгак канцеляр сатум, книгам, модышым погымо дене тӱҥалеш. Тушко амалкалче-влакымат ушаш шонат.
У але кучылтмо, но эше саяк да пайдаланаш лийше арвер ден ӱзгарым, вургем ден йолчиемым кумылан-влак деч Калыкым социально обслуживатлыше комплексный рӱдерыште, межпоселенческий книгагудышто да йоча библиотекыште погат.
Л.Камалетдинова.
