УВЕР ЙОГЫН

Подъездым арня еда эрыктышаш улыт!

Тений калыкын у коронавирус инфекций дене черланымыж деч виктарыше компаний-влаклан Роспотребнадзор велым профилактике шотан мероприятийлам эртарыме шотышто 149 предписанийым лукмо.
Нине предписаний дене келшышын, виктарыше компаний-шамыч айдемын кидше логалман верлам (омса кылым, перилым, лифтысе кнопкым, окна ончылым, почто яшлыкым да тудеч молым) вирулицидный виян дезинфицироватлыше средстве дене обработатлышаш да подъездым кажне арнян эрыктышаш улыт.
А иктаж еҥын COVID-19 дене черланымыж годым Роспотребнадзорын Марий Элысе виктемже подъездым эрыктыме да дезинфицироватлыме шотышто ешартыш предписанийым пуа. 3 ноябрь марте республикыштына тыгай сынан 1800 утла предписанийым ыштыме.
Роспотребнадзорын специалистше-влак виктемыш пурышо чыла увер ден обращенийым лончылат. Предписанийым шуктыдымо годым административный делам тарватат. Тыге, 3 ноябрь марте виктарыше кум команийым административно мут кучаш шогалтыме. Нунылан чумыржо 100 тӱжем теҥге кугыт штрафым тӱлаш ыштыме.
У коронавирус инфекцийын шарлымыж деч Роспотребнадзор чыла организацийыште да шуко пачеран пӧртыштӧ тӱшкан пайдаланыме кумдыклам: подъездым, тамбурым, холлым, коридорым, лифтын холлжо ден кабиныжым, тошкалтышым, мусоропроводым да молым, — арняште ик гана деч шуэн огыл дезинфицироватлаш темла. Да Россий Федерацийын жилищный законодательствыж дене келшышын, виктарыше компаний-влак калыклан келшыше да лӱдыкшыдымӧ илыш условийым ыштышаш улыт!
Виктарыше компаний дезинфицироватлыме пашам шке але специализироватлыме организаций полшымо дене эртараш праван.
Шуко пачеран пӧртлаште профилактике шотан дезинфекцийым эртарыдыме нерген граждан-влак Роспотребнадзорын Марий Элысе виктемышкыже 8-800-707-61-77 («шокшо линий») да 8 (8362) 68-19-44 (паша кечын 10 гыч 17 шагат марте, 12 гыч 12.45 шагат йотке – кечывал каныш) номеран телефон дене увертарен кертыт. Кагазыш возыман обращенийым виктемыш (Йошкар-Ола, Машиностроитель урем, 121-ше №-ан пӧрт, 1-ше корпус) кондаш лиеш. Йодмашым тыгак Роспотребнадзорын 12.rospotrebnadzor.ru сайтыштыже вераҥдыме тӱҥ лаштык гоч электрон формо але МФЦ гочат пуаш йӧн уло.


М.ИВАНОВА

Опубликовать в Одноклассники

Добавить комментарий