Кажне кечын тӱнямбалне могай гына пайрем огеш палемдалт?! Теве 20 июль – печеньын кечыже. Но тыглай печеньын гына огыл, а ончыкылыкым палдарыше, рашемдаш полшышын. Рушлаже тудо «День печенья с предсказанием» маналтеш.
Шуко вереже тудым кумданак палемдат. Мутлан, У Торъял тӱвыра пӧрт пашаеҥ-влакат тиде пайремым ӧрдыжеш коден огытыл да ты кечын, поселкысо уремла дене эртен, корныштышт вашлиялтше еҥ-влаклан тыгай туштен каласыме оян печеньым пуэденыт.
А эрлашыжым, 21 июльышто, нуно йоча-шамычлан «Весёлые вытворяшки» модыш программым эртареныт. Икшыве-влак тӱрлӧ модыш ден таҥасымашлашке ушненыт.
Л.Камалетдинова
Фотом интернетысе соцкыл лаштыкышт гыч налме