Марий Эл правительствыште республикын кугыжаныш органлаштыже граждан-влакын персональный данныйыштым аралыме йодышым каҥашеныт.
Совещанийым Марий Эл правительстве председательын пашажым шуктышо Сергей Сметанин эртарен. Погынымашке кучемын кугыжаныш, федеральный, муниципал орган да регионысо кугу предприятий-влакын вуйлатышышт толыныт.
Палемдыме почеш, 2006 ийыште приниматлыме «Персональный данный-влак нерген» законышто палемдыме проблеме-влакым кум кугыжаныш структур рашемда. Тиде — ФСБ, Технический да экспорт контроль шотышто федеральный службо (ФСТЭК) да Роскомнадзор. Пытартыш ведомствыжын вуйлатышыже Геннадий Шишкинын палдарымыж почеш, тӱҥ шотышто теве могай титак-влак вашлиялтыт: тичмаш огыл да чын огыл сведениян персональный данныйым обработатлыме нерген уведомлений-влак; иктаж вашталтыш лийме нерген палдарыдымаш; утыждене шуко персональный данныйым обработатлымаш да молат.
2020 ий марте Роскомнадзор Интернетыште Этике шотышто кодексым подписатлыме дене кылдалтше мероприятийым эртара. Тидыже граждан-влакын конституционный праваштым, служебный, коммерческий, технический, моло уверым аралаш полшышаш да мошенник-влакын ондалкалымыштым шагалемдышаш.
Республикысе организаций-влак дене Кодексым 24 октябрьыште подписатлышаш улыт.
Л.Камалетдинова.