ПЕНСИЙ СОЦИАЛ ИЛЫШ

Пенсий фонд увертара: Оксам пӧртылташ жап шуын

Кугыжаныш софинансирований программын участникше-влак взносышт гыч налог вычетым пӧртылтен кертыт. 

Пенсийыш ешарен тӱлымӧ программе шым ий пашам ышта. Тиде жапыште тушко Марий Элыште илыше 47 тӱжем еҥ ушнен да чумыржо 232 миллион теҥге кугыт оксам шке счётышкыжо пыштен. Ушештарена, кугыжаныш утларак суммыжым ( 2 гыч 12 тӱжем теҥге марте) кок пачаш кугемдаш сӧрен.

Тыгодымак программын участникше-шамыч налог вычетым налаш праван улыт, вет шке кумылын тӱлымӧ страховой взнос гыч налог огеш кучалт.

Налог вычетым налаш шонышо-влаклан верысе налог инспекцийыш кайыман, тушто тӱлымӧ взносым идалыкым, кок але кум ийым иктешлыше декларацийыште ончыктыман. Взносым пашам пуышо гоч тӱлышӧ-шамыч налог вычетым идалык пытыме деч ончычат оформитлен кертыт. Нунылан келшыше йодмашым бухгалтерийыш гына пуыман.

Физический лицан доходшылан налог декларацийым пуымо годым пелен тыгай документым пыштыман:

— отчётым ыштыме ийысе доход нерген справкым (2-НДФЛ);

— ИНН ден паспортын копийыштым;

— социальный налог вычетым налме нерген йодмашым;

— платёж реквизитым;

— страховой взносым тӱлымӧ нерген сведенийым (банк гыч платёж документым, пашам пуышо деч справкым).

М.ИВАНОВА.

Опубликовать в Одноклассники

Добавить комментарий