Марий Элын Молодёжный политике, спорт да туризм министерствыштыже 9 майыште эртышашлык «Курымашлык полк» акций нерген мутланеныт.
Погынышо-влак Йошкар-Олаште тудым эртарыме дене кылдалтше йодышым каҥашеныт, вет ончылгоч маршрутымат палемдыман, музыкальный да технический сопровожденийымат ямдылыман, волонтер-влакымат ушыман. Тиде акций Йошкар-Олаште 2014 ий гыч эртаралтеш. Тунам тушко 4 тӱжем еҥ ушнен гын, кажне ийын участник-влак радам кушкын толын. Мутлан, кодшо ийын рудоласе урем дене 16 тӱжем еҥ ошкылын, а республик мучко — 32 тӱжем.
С.Носова
