СПОРТ

Палаш оҥай

***

Самарыште «Крылья Советов» футбол командын чапшым аралыше землякна Геннадий Киселёв икымше дивизионышто модшо Волгоград клубыш кусна. «Ротор» футбол командын пресс-службыжын палемдымыж почеш,  (2019/2020 ийла) тургымын кокымшо пелыштыже Геннадий «Ротор» футбол командын чапшым аралаш тӱҥалеш. Оҥай, но лач ты команде ден «Нефтехимик» шошо тургымым почыт. Матч 9 мартлан палемдалтын.

***

2 февральыште Йошкар-Оласе «Спартак» ФОК-ышто смешанный боевой единоборство дене турнир эрта. Тыгай сынан таҥасымаш тений 11-ше гана лиеш. Ты видым йӧратыше-влак тыгак ӱдырамаш кучедалмашым ончен кертыт. Иктыже «Бои Белых Воротничков» лиге кышкарыште эрта.  

«Бои Белых Воротничков» – тиде тыглай реалити-шоу. Тушто  боевой искусствым палыдыме, опытдымо участник-шамыч вийыштым тергат.

Е.ЭШКИНИНА

Опубликовать в Одноклассники

Добавить комментарий