УВЕР ЙОГЫН

Пайрем дене!

Марий Эл Республикыште илыше пагалыме еҥ-влак!

Марий Эл Республикын Кугыжаныш Погынжо тендам Россий парламентаризм кече дене саламла!

115 ий ожно, 1906 ий 27 апрельыште, Россий империйын Кугыжаныш думыжо пашам ышташ тӱҥалын. Тудым учредитлымаш – мемнан кугыжанышын историйыштыже кугу событий, тудо элын политически ышталтмыжым да общественный поянлык системыжым  эрелан вашталтен.

Россий парламентаризмын эн сай йӱлажым кызыт Федеральный Погынымашын кок палатыже, законодательный кучемын регональный органже-влак умбакыже шуят. Нуно калыкын тӱрлӧ лончыж ден тӱшкажын  интересыштым ончыктен шогат, обществым чак чумырымаште, Россий Федерацийын субъектше-влакым да пӱтынь элым вияҥдаш ӱшанле правовой негызым ыштымаште кӱлешан пашам шуктат.

Кызыт, коронавирус пандемий шарлыме куштылго огыл жапыште, чыла кӱкшытан депутат-влак ончылно еҥ-влакын тазалыкыштым арален кодымашке, социально аралалтдыме граждан-влаклан да бизнеслан полшен шогымашке, экономикылан икшырымын да ӱшанлын вияҥашыже йӧным ыштымашке виктаралтше шонен ямдылыме ответственный пунчал-шамычым лукмо шотышто пеш кӱлешан задачым шындыме.

Марий Элын депутатше улшо пагалыме коллеге-влак!

Тачысе проблемылам тендан келгын умылымыда, ончыко ужын моштымыда, кучемын чыла укшыжо, гражданский обществын институтшо да сайлыше-влак дене пайдалын мутланен моштымыда дене республикысе калыкын илышыжым саемдымаш да улаҥдымаш ятыр шотышто пеш чак кылталтеш.

Тендан погымо опытда ден профессионализмда илышым вашталтен толо шумлык шындалтше задачым пайдалын шукташ полшаш тӱҥалыт манын ӱшанем. Эреак инициативым ончыктен шогышо да шӱм-чон йӱлен пашам ыштыше лийын кодса!

Россий парламентаризм кечын Кугыжаныш Погын пырля пашам ыштымылан Марий Эл Республикыште илыше чыла еҥлан алал кумылын таушта, пеҥгыде тазылыкым, тыныслыкым да илышыште чыла сайым тылана.

Марий Эл Республикын Кугыжаныш Погынжын Председательже А.В.Смирнов

 

 

 

Опубликовать в Одноклассники

Добавить комментарий