9 майыште Марий Эл вуйлатыше Александр Евстифеев III степенян Кутузов орденан Киевско-Житомирский 14-ше ракетный дивизийыште лийын да военнослужащий-влакым Кугу Сенымаш пайрем дене саламлен.
Тудо тазалыкым, пашаште кугу кӱкшытыш шуаш тыланен да республикыште илыше-влак Марий Эл кумдыкышто тыгай дивизий улмо дене кугешнат манын палемден.
— Воин-ракетчик-шамыч фронтовик-влакын геройло йӱлаштым умбакыже шуят да кушшо тукымлан сай пример улыт, — каласен Александр Евстифеев.
Дивизий командир генерал-майор Виталий Тарасов РФ обороно министр Сергея Шойгун приказшым лудын пуэн.
Пытартышлан военный оркестр Россий Федерацийын гимнжым шоктен да ракетный дивизийын войскаже-влак торжественный марш дене эртеныт.
Марий Эл вуйлатышын организаций да
аналитике виктемжын уверже негызеш Л.КАМАЛЕТДИНОВА ямдылен
