Т. Евсеев лӱмеш национальный тоштерыште «Курыкмарий-влакын пайрем вургемышт» ончер почылтын.
Тудо Юл энерын пурла велныже илыше марий-шамычын XIX–ХХ курымлаште чийыме вургемыштын вашталт толмыж нерген каласкала. Тӱҥ шотышто пайрем чиемын элементше, декоративно-прикладной искусство арвер, тошто пагытысе сылнештарышан фотографий-влакым, марий сӱретче-влакын пашаштым ужын кертына. Тошерын фондшо гыч чылаже ончерыш 100 наре утла экспонатым лукмо.
Выставке дене кодшо изарнян палдарышт. Тудлан тоштер пашаеҥ-влак лӱмын «Папамын шÿндӹкшӹ» литературно-музыкальный композицийым ямдыленыт да ончыктеныт. Ончер апрель мучаш марте ышташ тӱҥалеш.
С.Носова.
М.Скобелевын фотожо
