УВЕР ЙОГЫН

Пайдале пашаш ушненыт

Россий мучко «Горсть Победы» военно-патриотический акций эрта.

20 июньышто, Ойганен шарныме кече вашеш, Медведево районысо  Пиасир (Нурма) ял шотан илемыштат ты акцийыш ушненыт. Тусо шӱгарлаште «1944 ийыште служебный заданийым шуктымо годым колышо военный лётчик-влакын иза-шольо шӱгарышт» воктене лийше мероприятийыш генерал-майор А.Самсонов, Медведево ден Килемар район-влакын военный комиссарже С.Ершов, Нурма ял шотан илем вуйлатыше Л.Лебедева, верысе школын юнармеецше-влак лийыныт.

Культур пєртын пашаеҥже-влакын палемдымышт почеш, шӱгар ӱмбач рокым налаш Сергей Ершов ден юнармеец Артём Степановлан ўшаненыт. 

   Совет воин-влакым мемнан да йот эллаште тойымо верла гыч налме рокым лўмын ыштыме контейнерыш, «салтак тамак чондайыш», пыштат. Тудыжым артиллерийский снарядын гильзышкыже вераҥдат. Варажым, воинский йӱлам шотыш налын, Россий Вооружённый вийын тӱҥ храм йырысе кумдыкыш вераҥдат. Храмже Подмосковьеште «Патриот» паркыште чоҥалтеш.  

 

Е.Эшкинина.

Фотом интернет гыч налме.

Опубликовать в Одноклассники

Добавить комментарий