Индешымше микрорайонышто Димитров уремыште шуко пачашан у пӧрт-влак кажне ийын икте-кокыт дене ешаралтыт. Но тушто илаш йӧнан лийже манын, нимо огеш ышталт. Мутлан, Димитров уремыште остановкыжо шукертак уло, а общественный транспорт эшеат ок кудалышт. Ончыч тышан кеч 4-ше №-ан автобус шогалеш ыле. Машинадыме-влаклан троллейбус, маршрутко остановко марте лекташ пеш тора.
Весат нелылыкым луктеш. Йӱр изиш йӱрын кая гынат, уремыште вӱд шога: ик могыр гыч весыш вончаш огеш лий. Йошкынан чыла лавыра Куйбышев урем гыч Транспортныйыш йоген толеш, возат «Олам тӱзатымаш» группышто ты кундемыште илыше-влак.
Р.ЧЕПАКОВА.
