УВЕР ЙОГЫН

Осал койыш ваштареш — пырля

Коррупций ваштареш кучедалме йодышлан пытартыш жапыште поснак кугу тӱткыш ойыралтеш. Тидым шотыш налын, Россий Федерацийын генеральный прокуратуржо «Коррупций ваштареш пырля!» социальный антикоррупционный рекламе тӱнямбал молодежный конкурсым увертарен.

Тудын икымше этапше 1 июньышто тӱҥалын да 31 октябрь марте шуйна. Но полуфиналыш паша-влакым 1 октябрь марте колтен шуктыман. Кокымшо этап – финал – 1 гыч 15 ноябрь марте лиеш.

Конкурсыш 14 гыч 35 ияш марте ийготан-влак ушнен кертыт. Паша-влакым кок номинацийыш колташ лиеш – тиде «Эн сай видеоролик» да «Эн сай плакат».

Але марте 1267 паша пурен. Нунын кокла гыч иктыже (снимкыште), мутлан, Сахалин областьысе Холмск ола гыч 22 ияш Виктория Бокун.

Конкурсыш ушнаш кумылан-влак ала эшеат оҥайрак плакат ден видеороликым ямдылат?

Л.КАМАЛЕТДИНОВА

http://www.anticorruption.life/rules/

Опубликовать в Одноклассники

Добавить комментарий