УВЕР ЙОГЫН

Ората олмеш — пӧрт

Йошкар-Оласе Ленин проспект ден Эшкинин урем ушнымаште, Изи Какшан серыште, лийын шудымо культур да веселитлыме комплексын пеле пужымо оратаже олмышто илыме верым чоҥаш проектым рӱдолаште илыше-влак сайлан шотленыт. 

Рӱдолалан пеш кӱлешаныш савырныше шукертак кудалтыме ты кышкар шотышто арня ончыч слушаний эртен. Ты зданийым нӧлтен шукташ инвестицийым пыштыше компанийын еҥжын палемдымыж почеш, кудалтыме кышкар олмышто  шуко пачеран кок пӧртым чоҥымо лиеш. Тидлан торгайыме рӱдерын чоҥен шуктыдымо зданийжым икмыняр рончаш логалеш. Но шуко жап яра шинчыше оралтым мучаш марте огыт пужо, оратан ужашыже у зданийым нӧлташ негыз семын лиеш.

Чумыр налмаште тыште шӱдӧ утла пачерым чоҥаш шонат. Скверым ыштат, воктен кундемым тӱзатат. Шуко автомашинам шогалташ автостоянке лийшаш. 12 ий ончыч кудалтыме тиде зданийыш илышым шӱлалтат манын ӱшан лектын.

А.АНДРЕЕВ.

Опубликовать в Одноклассники

Добавить комментарий