КУЧЕМ УВЕР

Окса шукырак ойыралтшаш

Таче, 30 октябрьыште, Москваште Россий правительстве председательын алмаштышыже Виталий Муткон вуйлатымыж почеш региональный вияҥмаш шотышто РФ-н правительственный комиссийжын заседанийже эрта. Тушко Марий Эл вуйлатыше Александр Евстифеев каен.

Заседанийыште 2019 да плановый 2020 ден 2021 ий-влаклан федеральный бюджетын межбюджетный кыл ужашыже проект да элын субъектлаштыже магистраль инфраструктурым шарыме да уэмдыме комплексный план нерген мутланат.

Кызытак пале, федеральный законын проектше дене Марий Эллан дотаций 15 процентлан шукырак лиеш да 6 млрд. 929 млн. теҥгешке шуэш. Республикын Финанс министерствыжын данныйже почеш, 2019 ийыште Марий Элын бюджетшым тӧремдаш 1 млрд 720 млн. тенге дотаций кӱлеш, палдара Марий Эл Республик вуйлатышын организаций да аналитике виктемже.

Л.Камалетдинова.

Опубликовать в Одноклассники

Добавить комментарий