29 октябрьыште Аныклыме всероссийский арня тӱҥалеш.
Аныклыме арня – Россий Федераций Финанс министерствын «Калыкын финанс грамотностьшым нӧлталме да Россий Федерацийыште финанс шинчымашым вияҥдыме» проектшын кышкарыштыже ий еда эртаралтше мероприятий.
29 октябрьыште Роспотребнадзорын Марий Элысе виктемже Почмо омса кечым эртара. Тиде мероприятий тӱҥ шотышто финанс услуго-влак дене чолган пайдаланыше кугыеҥ-шамычлан палемдалтын да граждан-влакым шке оксам моштен кучылташ туныктымылан, тыгак финанс грамотностьым нӧлталаш полшымылан виктаралтын.
Кумылан чыла еҥым 9.00 гыч 17.00 шагат йотке (12.00-12.45 шагат – кечывал каныш) тыгай адрес дене вучат: Йошкар-Ола, Машиностроитель урем, 121-ше пӧрт, 2-шо подъезд, 1-ше пачаш (потребитель-влакын праваштым аралыме пӧлка).
Тылеч посна 29 октябрь гыч 12 ноябрь йотке потребитель-влакын финанс услуго-влакым налмышт дене кылдалтше йодыш шотышто «шокшо линий» пашам ышташ тӱҥалеш. Тиде жапыште граждан-влак финанс лӱдыкшыдымылык, финанс услугын/ продуктын потребитель праваже-влакым рашемдыме шотышто консультацийым налын кертыт.
Окса дене кылдалтше йодыш-влакым тыгай телефон дене рашемдаш лиеш:
* Роспотребнадзорын Марий Элысе виктемже: 8-800-707-61-77, 68-19-44, 68-19-21 – 10 гыч 17 шагат йотке, 12-12.45 шагат – кечывал каныш;
* «Марий Элыште Гигиене да эпидемиологий рӱдер» ФБУЗ-ын консультацийым пуышо рӱдерже: 8-800-707-61-05, 45-19-33 – 10 гыч 16 шагат марте, 12-12.30 шагат – кечывал каныш;
* Роспотребнадзорын Марий Элысе пӧлкажын Волжский районысо пӧлкаже: 8-83631-6-00-88 – 10 гыч 17 шагат йотке, 12-12.45 шагат – кечывал каныш;
* Роспотребнадзорын Марий Элысе пӧлкажын Советский районысо пӧлкаже: 8-83638-9-48-14 – 10 гыч 17 шагат марте, 12-12.45 шагат – кечывал каныш;
* Роспотребнадзорын Марий Элысе пӧлкажын Шернур районысо пӧлкаже: 8-83633-9-87-81 – 10 гыч 17 шагат марте, 12-12.45 шагат – кечывал каныш;
* Роспотребнадзорын Марий Элысе пӧлкажын Курыкмарий районысо пӧлкаже: 8-83632-7-41-15 – 10 гыч 17 шагат йотке, 12-12.45 шагат – кечывал каныш.
М.ИВАНОВА.
