2021 ийыште Марий Элыште осал пуалмын тӱҥ видше-влакым комплексно да шке жапыштыже рашемден кертше оборудований да специалист-влак дене шыҥдарыме медицине организацийлаште онкологий полышым амбулаторно пуымо рӱдер-влакым почаш палемдат.
Тылеч посна регионысо «Онкологий чер дене кучедалмаш» проект кышкарыште 2019-2024 ийлаште Марий Элыште онкологий чер дене орланыше-влаклан полышым пуымо кум медицине организацийыш кызытсе жаплан келшыше кӱкшӧ технологиян 98 единице оборудованийым шындат.
Чумыр налмаште «Здравоохранение» национальный проектым илышыш пурташ регионыш 12 млрд. теҥгем колтат: тышечын 2 млрд. теҥгем – федеральный бюджет гыч, 164,1 млн. теҥгем – республикын бюджетше гыч, 9,8 млрд. теҥгем – моло источник гыч.
Тиде нацпроект пашам ыштен кертше калыкын колымо чотшым иземдымашке, икымше медико-санитарный полышым пуымо медицине организацийлаште кадр дефицитым пытарымашке, чыла гражданым идалыклан ик гана медицине велым профессионально тергымашке виктаралтын.
Россий Федерацийыште 2019-2024 ийлаште нацпроектым илышыш пурташ 1,7 трлн. теҥгем кучылташ палемдыме.
М.ИВАНОВА
