Мыйын пелашемым суд увер деч посна уке улшылан шотлен. Тидын шотыштак рашемдынем, кушто тудын дене закон почеш ойырлен кертам: судышто але ЗАГС-ыште?
А.Молоканов.
Йошкар-Ола.
Йодышлан Медведево районысо прокурорын кугурак полышкалышыже М.С.Егошин вашештен:
— РФ законодательстве дене келшышын, марий ден ватым иктыжын ойырлаш йодмашыж почеш ЗАГС-ыште ойырат. Тидын годым нунын ийготыш шудымо икшывыже-влак улмымат шотыш огыт нал. Но тидын деч ончыч вате але марийын увер деч посна уке улмыжым суд рашемден пеҥгыдемдышаш.
С.НОСОВА
