Йошкар-Оласе Семёновка селаште верланыше кыдалаш школын тунемшыже-влак – экологий отрядыш коштшо-шамыч – поро кумыл акцийым эртареныт.
Нуно суртдымо пий дене пырыс-влакын «Успех» приютышкышт миент да яра кид дене огыл: ныл йолан йолташ-шамычлан кочкыш дене. Тудыжымат йоча-влак туныктышышт дене пырля шкак погеныт.
Поро кумылан ӱдыр-рвезе-влакын тыгай ошкылыштлан приютын пашаеҥже-влак, мутат уке, моткоч куаненыт да йоча-шамычлан Тауштымашан серышым кучыктеныт.
Г.КОЖЕВНИКОВА
