18 сентябрьыште Чуваший Республикыште начарын ужшо-влак коклаште «Республика спорт» всероссийский кеҥеж спартакиаде тӱҥалтышым налын.
Тушко Российын 35 субъектше гыч спортсмен-влак толыныт. Нуно куштылго атлетикыште, дзюдошто, иймаште да мини-футбол ден шахмат дене модмаште чолгалыкым, писылыкым ончыктеныт.
Марий Элын сборный командыштыже – 14 спортсмен. Нуно спортын вич видышкыжат ушненыт.
«Республика спорт» всероссийский летний спартакиде 22 сентябрь марте эртен. Финалыш лекше-влак медаль дене палемдалтыт. Чылаже 400 комплект медальым ямдылыме.
А.Байкова.
