СПОРТ

Мӧҥгыштак ямдылалтыт

Тачысе саманыште тренер, спортсмен-влаклан дистанционно пашам ышташ, ямдылалташ куштылгырак манын шоналташ лиеш, но… Нунат нелылык дене тӱкнат.
– Воспитанникна-влак моло спортсмен семынак кызыт мӧҥгыштӧ ямдылалтыт, – манеш бокс дене тренер Максим Якаев. – Ме ончыч тӱҥ шотышто залыште тренироватлалтынна, но куржталмаш садак ок сите. адакшым шукыштын инвентарьышт уке. Тидыжат изиш чаракым ышта, кумылым волта. Рвезе-шамыч кокла гыч кажныже мом ыштышашым палат. Ме, тренер-влак, заданийым вацап, инстаграмм гоч колтена. Вара нуно видеотчётым мыланна колтат. Варажым программым нелемдаш тыршена, но шижалтеш, дистанционно ямдылалтме дене физически садак изиш лушкыдемыт, вет ме нуным кӱлеш семын терген огына керт.
Туге гынат, бокс дене пеҥгыде кылым кучыза! Неле жап эрта, а кызыт шкендам аралыза, таза лийза.

Е.ЭШКИНИНА

Опубликовать в Одноклассники

Добавить комментарий