Республикысе курчак театр йоча да нунын ача-аваштлан «Мӧҥгысӧ курчак театр» конкурсым увертарен.
Тудын условийже почеш, участник-влак мӧҥгыштышт йомакым модшаш улыт да видеош войзен колтышаш улыт. А курчак-влак тӱрлӧ лийын кертыт: парняш чийыман, перчаткан…, тыгак кевытыште налме модыш денат модаш лиеш.
Конкурсыш ушнаш шонышо-влак шке пашаштым 15 май марте ямдылен кертыт да «Вконтакте» соцсетьыште шке лаштыкышкышт #театркуколмарийэл #конкурс хэштег дене вераҥдышаш улыт. Эн сай видеон авторжо-влаклан театрыште спектакльым ончаш (сентябрьыште) абонементым кучыктат.
А.БАЙКОВА
