КАЛАСЕ, "МАРИЙ ЭЛ"

Мыняр сеҥыше лийын?

Тений шошым «ЛУКОЙЛ-Волганефтепродукт» ООО социальный да культурный проект-влак конкурсым увертарен ыле. Тушто мемнан республик гыч участвоватлыше-влак лийыныт мо?

А.Николаев.

Йошкар-Ола.

 «ЛУКОЙЛ-Волганефтепродукт» ООО-н экспертный советшын увертарымыже почеш, тенийлан увертарыме социальный да культурный  проект-влак конкурсыш Российысе тӱрлӧ регион гыч чылаже 375 йодмаш  пурен. Кодшо ийысе деч тидыже 20 процентлан шукырак.  Марий Эл гыч тений кандаш проект темлалтын, нылытше сеҥышыш лектын. Нунын коклаште ик сеҥышыже — «Розовый одуванчик» экологий толкын. Тудын «Лукойл» дене пырля экологий урок-влак» проектше НКО-влаклан номинацийыште сеҥен. Проект дене келшышын ты организацийын еҥже-влак  республикысе районлаште экологий теме дене кылдалтше лекцийым лудаш тӱҥалыт. Тиде амал денак нуно шке пашашкышт школ, лектор, дизайнер-влакым ушаш шонат.

Вес сеҥышыже — Марий Турек посёлкын админстрацийыже. Проекттше  «Подвигу жить в веках» маналтеш. Сеҥышыш лекше-проект-влакын озаштым сентябрьыште Угарман кундемысе Кстово олаште палемдаш тӱҥалыт.

 

Опубликовать в Одноклассники

Добавить комментарий