СПОРТ

Морко гыч – тӱнямбал чемпионатыш

5 майыште Татарстаныште марафон дене Российын чемпионатыштыже Марий Эл гыч Алина Прокопьева бронзо призёрыш (2:34:10) лектын.

Тыге Морко кундемын ӱдыржӧ (кызыт Чебоксарыште ила, Чуваш республикын да Москва областьын чапшым арала) куштылго атлетике дене тӱнямбал чемпионатыште участвоватлаш нормативым шуктен. Икымше верыш кумшо гана Сардана Трофимова (2:31:31) лектын. Пӧръеҥ-шамыч коклаште Степан Киселев (2:12:56) Российын чемпионжо лийын.

Марафонышто сеҥыше да призёрышто улшо-влаклан тӱнямбал кӱкшытыштӧ выступатлаш йӧнышт уло, но… Российысе куштылго атлет-влак кокла гыч тӱнямбал кӱкшытан стартлашке нейтральный статус дене лач ик марафонец, Федор Шутов, гына лектын кертеш.

Е. ЭШКИНИНА

Опубликовать в Одноклассники

Добавить комментарий