Марий Элын Тӱвыра, печать да калык-влакын пашашт шотышто министерствыжын увертарымыж почеш, автономный коммерческий огыл «Всемирный Парамузыкальный фестиваль» организаций тыгаяк лӱман мероприятийым эртара.
Тиде фестиваль начар тазалыкан еҥ-влаклан шкем калык коклаште моло семынак кучаш йӧным ышташ полшымашке виктаралтын. Тудо таза ден пояным, черле ден нужнам шотыш налде, кажне айдемылан мом кертмыжым, мом моштымыжым, илышыште вашлиялтше нелылыкым сеҥыме кӧргӧ вийжым, цельышке шумыжым ончыкташ йӧным ышта.
Проект самырык пара-артист ден профессиональный коллектив-влакым уша.
Номер-шамычым ончымо цель – усталык шотышто поснак ойыртемалтше начар тазалыкан йоча ден самырык-влакым тений эртараш палемдыме вес проектыште участвоватлаш ойырен налаш.
Фестивальыште палемдыме ик номинаций дене усталыкым вияҥдыше, инвалидностян физический лица ден юридический лицан 6 гыч 30 ияш марте еҥже-влак участвоватлен кертыт.
Тӱҥ номинаций-влак: «Мурымаш», «Семӱзгар дене шоктымаш», «Куштымаш», «Пластический номер», «Оҥай жанрын номерже», «Сылнымут», «Мелодекламаций» да молат.
Материалым gm@wmp.show электрон почто дене 16 июнь марте колтыман.
Участник-шамычын роскотыштым – корнылан да илымылан – «Всемирный Парамузыкальный фестиваль» организаций петыра.
Положений ден йодмашын формыжым парамузыкальный.рф да cloud.mail/pudlik/23Qj/AoVokc9dk ссылке дене ончыман. Кылым кучымо телефон: (495) 223-9277.
М.ИВАНОВА
