Могай кечын мияш лиеш?
Шуко шочшан еш-влаклан Йошкар-Олаште юрист деч полышым яра налаш лийме нерген колынам ыле. Могай кечын да кушко мияш лиеш?
О.Ларионова.
Медведево район.
Йодышлан «Российысе еш-влак» мер организацийын марий региональный отделенийыштыже юристын полышкалышыжлан ыштыше Сергей Машаев вашештен:
— Шуко шочшан еш-влак юрист дене Йошкар-Олаште (Первомайский урем, 101-ше пӧрт) 21 июльышто 13 гыч 17 шагат марте, а 22 июльышто 9 гыч 13 шагат марте вашлийын, тургыжландарыше йодышлан вашмутым налын але каҥашен кертыт. Полышым йодын толшо-влаклан Марий Элысе Адвокат-влакын икымше коллегийышт гыч Сергей Анатольевич Матвеев вашешташ тӱҥалеш. Приёмыш толаш 90-70-66 номеран телефон дене возалташ кӱлеш.
Тиддеч посна вес сай увер уло: Российысе кеч-могай регионышто илыше еш-влак «шокшо линийыш» 8-800-700-4-800 номеран телефон дене йыҥгыртен, юрист ден психолог деч яра полышым налын кертыт.
Кызытеш паша кечын 9 гыч 18 шагат марте йыҥгырташ лиеш.
А.Байкова.