УВЕР ЙОГЫН

Мландым яра пуат

Марий Эл Республикын Кугыжаныш пого министерствыже боевой действийын ветеранже-влаклан 48 мланде участкым яра ойыраш палемден. 

2017 ийыште Марий Эл Республикын Кугыжаныш пого министерствыже боевой действийын ветеранже-влаклан даче сынан озанлыкым кучаш 440 мланде участкым ямдылен. Учётышто шогышо граждан-влакым август-сентябрьыште 368 мланде участке дене палдарен. Ветеран-влак темлыме 32 участкым налме деч тӱрлӧ амаллан кӧра шӧрленыт, а 336 мланде участкым Марий Эл Республикын целевой мланде фондышкыжо пуртымо.

Палемдыме граждан-влаклан мланде участкым яра пуымо нерген распоряженийым министерстве 2017 ийыште приниматлен. Кызыт 336 участкым пуымо да налме нерген акт-влакым граждан-шамычлан кидпалым пышташышт колтымо.

Ушештарыме семын: даче сынан озанлыклан палемдалтше мланде участкым Марий Эл Республикыште илыше боевой действийын ветеранже да Кугу Отечественный сарыште вуйым пыштыше участник, боевой действийлаште вуйым пыштыше ветеран-влакын тулык ватыштлан, боевой действийлаште вуйым пыштыше ветеран-влакын ача-аваштлан, Чечня Республикысе да Йӱдвел Кавказысе вооруженный конфликт условийыште задачым шуктымо годым вуйым пыштыше, увер деч посна йомшо, тыгак Йӱдвел Кавказ регионышто террорист-влак ваштареш операцийым эртарыме жапыште задачым шуктымо годым вуйым пыштыше военнослужащий-шамычын ача-аваштлан собственностьыш яра пуат.

М.ИВАНОВА.

Опубликовать в Одноклассники

Добавить комментарий