УВЕР ЙОГЫН

Матрёшкым пӧлекленыт

Йошкар-Олаште, Дзержинский лӱмеш тӱвыра полатыште, Уголовно-исполнительный системын ветеранже-влакын кечыштлан пӧлеклалтше мероприятий эртен. 

Тиде пайрем дене пырля Марий Эл УИС-ыште Ветеран-влакын ушемыштым ыштымылан 14 ий теммымат палемденыт. Россий ФСИН-ын Марий Элысе управленийжын пресс-службыжын палдарымыж почеш, кызыт тушто 1500 утла еҥ шотлалтеш. Нунын коклаште Кугу Отечественный сарын ветеранже, тылыште тыршыше, боевой действий-влакын участникышт улыт.

ФСИН-ын республикысе управлений вуйлатышыже Сергей Евтушенко саламлыме мутым ойлен да ик эн чолган тыршыше-влакым палемден. Вашешыже ушемын председательже Рудольф Григорьев тудлан тоштерлык экспонатым – «Эрвий» сувенир матрёшкым – кучыктен. Нуным шке жапыштыже 1-ше номеран марий исправительный колонийыште 1980 ийыште Москваште эртыше Олимпий модмашын оргкомитетшылан йот эл гыч толшо уна-влаклан пӧлеклаш ямдыленыт.

Погынышо-влаклан торжественный ужаш деч вара концертым ончыктеныт.

Л.Камалетдинова.  

Опубликовать в Одноклассники

Добавить комментарий