Йошкар-Олаште да мойн маске деч посна коштшо-влаклан штрафым пуаш тӱҥалыныт манме гыч шокта. Чынак мо? Чын гын, штрафын кугытшо могайрак?
Н.Алексеев
Звенигово район
Йодышлан Йошкар-Ола мэрийын пресс-службыштыжо тыге вашештеныт:
— Республикыштына маске режимым шотыш налдыме еҥ-влакым рашемдыме рейд-шамыч эртат.
Чараклыме мероприятий режимын вийыште улмыжлан кӧра регионысо калыклан шуко еҥ улман верлаште: кевытлаште, аптекылаште, поликлиникылаште, тӱшка транспортлаште – маске але шӱлымӧ корным аралыме вес средствым чиен коштман.
Маске режимым пудыртышо-шамычым рашемдыме рейдлаште верысе администрацийын, прокуратурын, полицийын пашаеҥышт участвоватлат. Нарушитель-шамыч РФ КоАП-ын 20.6.1 статьяжын санкцийышкыже логалыт. Тудын дене келшышын, шижтарымаш але штраф пуалтеш:
• граждан-шамычлан – 1 гыч 30 тӱжем теҥге марте;
• должностной еҥ-влаклан – 10 гыч 50 тӱжем теҥге йотке;
• юридический шинчымаш деч посна амалкалчын пашажым шуктышо-шамычлан – 30 гыч 50 тӱжем теҥге марте;
• юридический лица-влаклан – 100 гыч 300 тӱжем теҥге йотке.
Тергыме мероприятий-влакын тӱҥ цельышт – у коронавирус инфекцийлан шарлаш чаракым ышташ.
М.ИВАНОВА
