Марий ӱдыр Алевтина Войтовичым Карелий Республикын Чап грамотшо дене палемденыт.
Тиде Карелийын национальный тоштерыштыже лийын. Ты кечын тушто республикысе илышын тӱрлӧ сферыштыже сай пашашт дене ойыртемалтше-влакым палемденыт. Алевтина – лач тыгай еҥ. Тудо шкеже Шернур кундемыште шочын-кушкын. И.С.Палантай лӱмеш музыкальный училище деч вара Петрозаводскысо консерваторийыш тунемаш пурен. Тудым пытарымеке, тушанак па- шам ышташ кодын, ешаҥын.
Тудо ынде ятыр ий Петрозаводскысо А.К.Глазунов лӱмеш кугыжаныш консерваторийыште финн-угор музык кафедрыште туныкта. Тыгак «Карелийысе ма- рий-влак» карел региональный мер ушемын исполнительный директоржылан ышта. Алев- тина эше «Акрет мари» фольклор ансамбльым вуйлата. Тудын тыршымыж дене марий тӱр, куштымаш дене эре гаяк мастер-класс, Марий кас, кон- церт-влак эртаралтыт. «Карелийысе марий-влак» организаций кандаш ий наре чолган пашам ышта, мемнан республик денат кылым пеҥгыдемден. Карелий- ыште марий тӱвыра кече-влак эртаралтыт.
Меат Алевтинам тыгай награ- дым налмыж дене шокшын са- ламлена!
С.НОСОВА.
