УВЕР ЙОГЫН

Марий Эл гыч — нылыт

Марий Эл гыч ныл коммерческий огыл организаций граждан обществым вияҥдыме шотышто президент грант-влак  фонд-операторжын конкурсыштыжо сеҥыше радамыш логалын.

Июль мучаште фондын тенийсе координационный комитетше икымше тыгай конкурсым иктешлен. Тушко чылаже тушко 6623 проект пурен, сеҥыше радамыш  79 регион гыч  970 коммерческий огыл организаций  логалын. Чылаже социальный проект-влакым илышыш пуртышашлан 2 миллиард 250 миллион теҥге ойыралтеш. Изи ужашыже мемнан республикысе организаций-влакланат шонымо пашаштым илышыш шыҥдараш йӧным пуа. Сеҥышыш Йошкар-Оласе «Радуга» йоча да самырык-влакын ушемышт («Компас прав ребенка: инициатива — просвещение-практика» проект), Сокыр-влакын марий обществышт  («Познаем мир на ощупь» проект), «Охрана леса» йырым-йырысе средам аралыме да пӱртус дене моштен пайдаланыме шотышто коммерческий огыл организаций («От лесных активистов до лесных лидеров» проект) да ДОСААФ-ын региональный пӧлкажын Служебный собаководство рӱдерже («Кинологический клуб Республики Марий Эл» проект) лектыныт.

С.Носова.

Опубликовать в Одноклассники

Добавить комментарий