Марий Элысе Курыкмарий район гыч Петровмыт еш «2018 ийын ешыже» Всероссийский конкурсышто сеҥыше-влак радамыш логалын. Тудо «Еш – йӱлам аралыше» номинацийыште ойыртемалтын.
Конкурсышто сеҥышыш лекше-влакым 21-23 ноябрьыште саламлаш тӱҥалыт. Тыгак всероссийский конкурсын иктешлымашыж деч вара «Идалыкын ешыже. Россий 2018» Почет книгам савыктат. Тушто сеҥышыш лекше еш-влакын историйышт дене палдарат.
А тиде еш нерген кужун каласкалаш лиеш, вет Борис Васильевич ден Тамара Викентьевна шкешт веле огыл моткочак чолга да усталык шӱлышан улыт, кум ӱдырыштымат тыгайымак куштеныт. Вате-марий коктынат мураш, кушташ мастар улыт. Сандене кызыт изирак Валентина ӱдырыштат район, республик кӱкшытан да всероссийский конкурслаште сеҥымыж дене ача-аважым куандара. Кугурак ӱдырышт ешан улыт. Иктыже Йошкар-Олаште, весыже Санкт-Петербургышто илат.
Л.Камалетдинова.
