УВЕР ЙОГЫН

Марий Элыште терроризм ваштареш кучедалмаште икоян улмо кече эртен

3 сентябрьыште, Терроризм ваштареш кучедалмаште икоян улмо кечын, Кужэҥер, Морко, Шернур да моло районыштат «Капля жизни» всероссийский акцийлан пӧлеклалтше митинг эртен. 

Тиде кечын тушто 14 ий ончыч, 2004 ий 1-3 сентябрьыште, Бесланыште лийше шучко событий нерген ойленыт да ӱмыр лугыч лийше-влакым шарналтеныт.

Террорист-шамычын авырен налме школышто лийше ӱдыр-рвезе-шамыч кум кече вӱдым йӱде эртареныт. Тидым шотыш налын, митингыш чумыргышо-влак кажныже, копашке вӱдым налын, поро шарнымашым тыланен, тудым паркыште кушшо пеледышыш шавен.

Л.Камалетдинова.

Опубликовать в Одноклассники

Добавить комментарий