Марий Элыште идалык тӱҥалтыш гыч мотор топливо 12,3 процентлан шергештын.
Июньышто бензинын акше 1,6 процентлан кӱзен, кодшо ий тыгаяк жап гыч – 14,2 процентлан. Кодшо тылзын АИ-92 маркан 1 л бензинын кокла акше 42 теҥгеат 14 ыр лийын, АИ-95 маркан 1 л бензинын – 44 теҥгеат 40 ыр, АИ-98 маркан 1 л бензинын – 50 теҥгеат 2 ыр, 1 л дизель топливын – 44 теҥгеат 27 ыр, 1 л газын – 20 теҥгеат 95 ыр.
Общероссийский калык фронтын Марий Элысе пӧлкажын чолга еҥже-влак кодшо тылзын регионысо 10 автозаправкын топливылан шындыме акыштым эскереныт да тыгай иктешлымашым ыштеныт: акын июнь тӱҥалтыште кенета кӱзен кайымыж деч вара ситуаций эркын-эркын саемын толеш.
М.ИВАНОВА.
